خوشحالی کی جرأت مند خواتین ۔ شاہین منور
شاہین منور کا موبائل فون آدھی رات کو بجا، فون اسکرین پر اس کے شوہر کا نمبر تھا۔ کال اٹینڈ کرتے ہی شاہین نے وہ خبر سنی جس سے اسکی دنیا ہی بکھر گئی۔ ایک اجنبی آواز اسے آ کر اپنے شوہر کی لاش شناخت کرنے کے لئے کہہ رہی تھی۔ شاہین کا شوہر اُس شام جوہر موڑ کراچی میں اپنے گھر سے بیٹے کے لئے دوائی لانے گیا تھا۔ واپسی پر وہ ایک اندھی گولی کا نشانہ بن گیا جو کسی اور پر چلائی گئی تھی۔ شاہین نے اس نئی حقیقت کے ساتھ فون بند کر دیا کہ اب وہ ایک بیوہ اور اس کے پانچ بچے یتیم ہیں.مزید پڑھیں
بینکاری خوشحالی کے لیے۔ گووند
تین بچوں کا باپ گووند، غربت کی زندگی گزارنے والے لاکھوں پاکستانیوں میں سے ایک تھا۔ سندھ کے اس باسی کی زندگی اپنے خاندان کے لئے تین وقت کا کھانا فراہم کرنے کے لئے جدوجہد کرتے گزری۔ لڑکپن میں ہی گووند نے اس مایوسی اور جدوجہد کو جان لیا تھا جو غربت اپنے ساتھ لاتی ہے۔ گووند وہ وقت یاد کرتا ہے جب وہ ایک بچہ تھا اور بڑا ہوکر اسکول ٹیچر بننا چاہتا تھا۔ مالی مشکلات اور گھر کی ذمہ داریوں نے گووند کو اپنا خواب پورا کرنے کا موقع نہیں دیا ۔ مزید براں ایک اقلیتی برادری سے تعلق بھی مشکلات میں مددگار نہ تھا.مزید پڑھیں
متاثرکن کہانیاں۔ وزیراں بی بی
پینتالیس سالہ وزیراں بی بی ایک فارم میں کھڑی ہوا میں مکئی کے دانے بکھیرتی ہے۔ جب مرغیاں اس کے گرد جمع ہو جاتی ہیں تو وہ ایک آہ بھرتی ہے لیکن آخرکار اس کے جھریوں بھرے چہرے پر ایک مسکراہٹ پھیل جاتی ہے۔ اس کی آہ اس کی زندگی کے مشکل سفر کی ذرا سی بھی عکاسی نہیں کرتی لیکن اس کی مسکراہٹ مستقبل پر اس کے اعتماد کا ثبوت پیش کرتی ہے۔مزید پڑھیں
خالدہ مستقیم
بچپن سے ہی وہ خوبصورت چنریاں (روایتی ٹائے اینڈ ڈائے) بنایا کرتی تھی جو اس کے علاقے کی خواتین خاص مواقعوں پر خریدتی اور اوڑھتی ہیں۔ اس وقت خالدہ کو معلوم نہیں تھا کہ ایک دن یہ ہنر اس کے لئے زندگی گزارنے کا ذریعہ بن جائے گا۔ بہاولپور کے نزدیک عباس نگر کی رہائشی یہ 35 سالہ خاتون آج ایک چھوٹے سے کاروبار کی مالک ہے اور اپنے شوہر اور چار بچوں کو بہتر معیار زندگی فراہم کرنے میں ہاتھ بٹا رہی ہے۔مزید پڑھیں
شبانہ سرور۔ مقاصد کو کامیابی سے حاصل کرنے والی
شبانہ سرور کا ذاتی پرائمری اسکول کامیابی سے چل رہا ہے۔ مغل پورہ، لاہورکی رہائشی شبانہ بی بی ان خواتین کے لئے ایک عملی مثال ہے جو اپنی تعلیم کو ڈھال کے طور پر استعمال کرنا چاہتی ہیں۔ گھر کے کچھ مالی مسائل کی وجہ سے اس نے اپنے بچوں کے تعلیمی اخراجات میں ہاتھ بٹانے اور اپنے شوہر کی مدد کرنے کا فیصلہ کیا. اس کا سکول کھولنے کا فیصلہ درست ثابت ہوا۔مزید پڑھیں
حفیظ بی بی ۔ بہاولپور
بہاولپور کی رہائشی، حفیظ بی بی، اپنے روایتی اونی بیڈ شیٹس بنانے کے ہنر کی وجہ سے اپنی برادری میں ایک معروف اور قابلِ احترام شخصیت ہے۔ اسکا ہنر نہ صرف مقامی قصبے میں مشہور ہے بلکہ اسے اپنے تخلیقی اورمنفرد کام کی وجہ سے پورے ضلع سے ملتے ہیں۔ حفیظ بی بی اپنی کامیابی کی وجہ اپنے خاندان اور خوشحالی مائیکرو فنانس بینک کو قرار دیتی ہے جس نے اسے ضرورت کے وقت مالی مدد فراہم کی۔مزید پڑھیں
مسرت بخاری ۔ خواب دیکھنے والی
فریحہ بیوٹی پارلر میں آتی جاتی خواتین کے درمیان مسرت بخاری بیحد مطمئن دکھائی دیتی تھی۔ لیکن پانچ سال قبل اس کے مالی حالات ایسے نہ تھے۔ پرانے لاہور کے مضافات میں فریحہ بیوٹی پارلر چلانے والی مسرت بی بی کے پاس اپنا بیوٹی سیلون کھولنے کا خواب پورا کرنے کے لئے مہارت تو تھی لیکن ذرائع نہیں تھے اور ریلوے میں ملازمت کرنے والے اس کے شوہر کی محدود تنخواہ میں اس کی تین بیٹیوں کا نجی اسکولوں میں تعلیم حاصل کرنا محال تھا۔مزید پڑھیں
ایک درخشاں مثال۔ حنا محسن
حنا محسن صرف ایک بیوٹیشن نہیں بلکہ کامیابی کی وہ داستان ہے جو معاشرے کی دقیانوسی روایات سے آزاد ہو کر خود مختار بننے کے لئے ہر عورت کو متاثر کرتی ہے ۔ ابتدائی مشکلات کے بعد اب وہ اپنا بیوٹی سیلون چلا رہی ہے جس نے صرف تین قرضوں میں کافی ترقی کر لی ہے۔ ایک وقت تھا جب حنا محسن بھی دیگر افرادِ خانہ کی طرح اپنے والد پر انحصار کرتی تھی لیکن اب وہ اپنے خاندان کو ایک باعزت، آرام دہ اور محفوظ زندگی فراہم کر رہی ہے۔مزید پڑھیں
شکیلہ بی بی
شکیلہ بی بی زوجہ تاج حسین حویلیاں، ایبٹ آباد کے محلہ موری کی رہائشی ہے۔ اس کی پرورش ایک ایسے گھرانے میں ہوئی جس کا ذریعہ آمدنی مویشیوں کا کاروبار تھا اور اسی وجہ سے مویشیوں کا خیال رکھنا آج تک شکیلہ کا جنون ہے۔ بچپن سے اس کا دوسرا جنون اسکول میں تعلیم حاصل کرنا تھا لیکن گھر میں معاشی عدم استحکام کی وجہ سے شکیلہ اپنے خواب کو عملی جامہ نہیں پہنا سکی۔مزید پڑھیں
ارشاد بی بی ۔ بہاولپور
بہاولپور کی رہائشی ارشاد بی بی اپنے مٹی کے برتنوں اور خوبصورت نقش و نگار والے مٹکوں کی بدولت علاقے میں شہرت اور عزت رکھتی ہے۔ اس کا کام نہ صرف مقامی قصبہ میں سراہا جاتا ہے بلکہ بہاولپور کے مرکزی شہر کے کئی ڈیلرز بھی اس کی مصنوعات کے خریدار ہیں۔مزید پڑھیں
