ایریا منیجرز کانفرنس 5 اور 6 اکتوبر 2015 کو ملتان میں منعقد ہوئی جس میں خوشحالی بینک کے صدر غالب نشتر نے کارپوریٹ آفس کے تمام ریٹیل عملے کے ساتھ شرکت کی۔ اس کانفرنس کا مقصد MSME کی نئی برانچوں پر توجہ مرکوز کرتے ہوئے کاروباری ٹیموں سے نچلی سطح تک میل جول بڑھانا تھا۔ صدر اور ہیڈ ریٹیل نے ملتان، خانیوال، لودھراں اور بہاولپور برانچوں کا دورہ کیا اور عملے سے ملاقات اور برانچوں کی کارکردگی اور MSME کی پیش رفت پر بات چیت کی۔ ہر برانچ میں مارکیٹ کی صلاحیت، عملے کی صلاحیت بڑھانے اور ان شہروں میں MSMEs کے شعبے میں موجودگی کی پیش رفت پر تبادلہ خیال کیا گیا۔ کانفرنس کے دوران کاروباری ترقی میں مشکلات، اخراجات، اثاثوں اور ذمہ داریوں کے انتظام پر تبادلہ خیال کیا گیا۔ مجموعی طور پر اس کانفرنس سے برانچ کی سطح پر کاروبار کا قریب سے مشاہدہ کرنے اور صدر اور ریٹیل ٹیم کے کاروباری ٹیم اور صارفین سے میل جول کے ذریعے بہت سے فوائد حاصل ہوئے۔ اس سے کاروباری ترقی میں درپیش مشکلات کو قریب سے دیکھنے، درکار رہنمائی/ سپورٹ کی نوعیت اور 2016 کے لئے کاروباری منصوبہ بندی کی تیاری میں پیش رفت میں بھی مدد ملی. اس سے سال 2015 کی آخری سہ ماہی کے لئے asset & liability  کا کام مکمل کرنے کے لئے ریٹیل عملے کی حوصلہ افزائی بھی ہوئی.