کارپوریٹ سماجی ذمہ داری کے طور پر خوشحالی بینک دوردراز کے دیہی علاقوں میں کاشتکاروں کے لیے تربیتی بیٹھک کا اہتمام کرتا ہے،جس کا مقصد نیشنل ایگریکلچر ریسرچ سینٹر کے اشتراک سے ماہرین کے ساتھ براہِ راست گفتگو کے ذریعے فصل کی پیداوار بڑھانے، پانی کے وسائل کے مؤثر استعمال اورکاشتکاری کی جدید تکنیک سے متعلق آگہی پیدا کرناہے۔مارچ 2017 میں اوکاڑہ کے ایک دوردراز گاؤں میں بیٹھک کا انتظام کیا گیا۔اس بار مکئی کی فصل کے موقع پرNARC کے پرنسپل سائنٹفک آفیسر(مکئی)ڈاکٹر مزمل حسین نے مکئی کی فصل پر تفصیل سے گفتگو کی اور مقامی کاشتکاروں کے سوالات کے جوابات دیے۔